Emy
مديرة المنتدى
EMY : 
عدد المساهمات : 1133
نقاط : 4482
السٌّمعَة : 0
تاريخ التسجيل : 17/02/2011
 |  موضوع: البلدي مستحيل يوم راح تموت الأربعاء فبراير 23, 2011 1:32 pm | |
| البلدي مستحيل يوم راح تموت
الوضع تحت السيطرة
والأمور مستتبة
بلد بتغرق مجزرة
وسط موجة م الأحبة
يا مراكبي أرسي بيها
كل يوم الموج بيعلي
يا بَشر بترخصوها
بينما الأسعار بتعلي
طوب حجارة قط فارة
دم غطي كل شارع كل حارة
لو بلدنا ف احتلال كان زمنا بنستخبي و قولنا غارة
عيب عليكوا ياللي علمتوا البشر معني الحضارة
عيب عليكوا ياللي بنيتوا الهرم ياللي أممتوا القناة
ياللي شيدتوا السدود ياللي عليتوا المنارة
عيب عليكوا لا جل كرسي تبقي مصر ع المحارة
عيب عليكوا ياللي حررتوا الأراضي م العدو تبقي بإديكوا الخسارة
عيب علينا لما حلم فجأة يتحول كابوس
عيب علينا لما نبقي امريكان بيحاربوا روس
عيب عليكوا ياللي شاربين دمنا جوا الكأوس
عيب عليكوا ياللي شمتوا الأعادي ياللي عكرتوا النفوس
كل سهم بيترمي من أيديكوا راح يقّطع قلب مصر
ألف شب بيتقتل والرئيس ف برج عاجي ف قلب قصر
والوزير مش فاضي طبعاً ضهر مغرب صبح عصر
لو تعبتوا مننا أحرقونا و أدفنونا كُلنا وابنو فوق رُفتنا جسر
أبنوا جامع أو كنيسة ولا معبد لليهود
لما ريحة الدم فاحت شمتوها بخور وعود
توعدونا بعيشة وردي
لجل ما الأيام تعدي
دا اللي يقتل أبن بلده لو هيحلف ألف مرة ملوش وعود
ليه بتضحك ضحكة صفرا زي ما يكون اللي ماتوا مش ولادنا
زي ما تكونوا أفتكرتوا أن مصر دي بلدكوا ومش بلدنا
بتنادونا أسموعنا
دا انتوا علشان تسمعونا كنا نصرخ كنا نبكي كنا نهتف كان بيدن ألف مدنا
كنا نسأل ميت سؤال من غير إجابة
كات وشوشنا تتعصر فتجيب كآبة
ماتقولنّا فينا قتلي وكام إصابة
هي ناقصة حيوانات عايشين ف غابة
هي ناقصة تفرقة بتفرقونا
وبإديكوا ف بعضنا بتوقعونا
لاجل كرسي بالتراب بتبدلونا
وف متاحف العدو بتعرضونا
مصر بتسلم عليكوا أمتي هتردوا السلام
امتي هتغمض عنيها أمتي راح تعرف تنام
واللي بيحب البلدي حبها مش بالكلام
مصر يا نبض العروبة ليبيا مغرب قدس شام
بخروها عين وصابت كل ركن وشبر فيها
عين حسودة عمل و سُفلي جاب عليّها علي وطيها
ناس بعتها ف ظَرف ساعة
مصر عمالة بتنزف ربنا يعوض عليها
مصر اكبر م الكلام ده مصر مش مِلك الرئيس
شوفنا ع الشاشة مشاهد قولنا منها يا مغيث
مصري بيقّتل ف مصري
التراب والدم مصري
يا مشايخ قولوا حاجة اقروا من قرآنا آية وكام حديث
خايفة أنصار الرئيس يعملوا كدا زي هانيبال
لما راح يغزو الرومان
فيروحوا يغزو الميدان
يطلعواعلي ضهر فيل
يعدموا معني الأمان
يملوا بالدم المكان
أسمعي صوت الأذان
يا بلد ملهاش كبير
والكبير فيها صُغير
والطليق فيها أسير
والطويل فيها قُصير
مش مُصير مش مُخير
والحقيقة شيء يحير
خلي سرك جوا بير
اللي بيسوق البلدي
واللهي إنسان حقير
اصرخوا قولوا البلدي مستحيل يوم راح تموت
وأنت مهما تعيش مصيرك راح هتسكن ف التبوت
مهما يعلي ويعلي صَرحَك جوا عينا هو أضعف من خيوط العنكبوت
هو أوهن دي البيوت
و البلدي مهما تسكت راح يكون لها ألف صوت
مصرمش ممكن تموت
google_protectAndRun("ads_core.google_render_ad", google_handleError, google_render_ad);
| |
|
