Emy
مديرة المنتدى
EMY : 
عدد المساهمات : 1133
نقاط : 4482
السٌّمعَة : 0
تاريخ التسجيل : 17/02/2011
 |  موضوع: ما وراء النهر ثورة الأربعاء فبراير 23, 2011 1:34 pm | |
| ما وراء النهر ثورة
ما وراء النهر ثورة
والملك نازل مناورة
بالمدافع والقنابل
بعدها يطلب محاورة
ثورة رايحة وثورة جاية
والشعوب لسها حية
مستعدة عشان بلدها
دمها يبقي العيدية
لو تموت راح تحيا تاني
جوا عين حاكم أناني
أستباح دم ابن بلده
لجل عرشوا يدوم ثواني
قدر أنوا يموت ولادنا
لجل ما يورث بلادنا
الحنين للمُلك أخده
والحنين للأرض خدنا
الحنين يعني الكرامة
شعب لبستوا العمامة
سرقة نهب وفاق حدودوا
كل ده بإسم الزعامة
الزعيم أسود كتابه
يلعن البطن اللي جابه
واللي زمر و اللي طبل
واللي زور ف أنتخابه
واللي مورث واللي وارث
واللي فكر روح فارس
مستخبي ما بين قصوره
يجي مليون ألف حارس
اللي عَمر فوق جثثنا
لما مُوتنا برجله دسنا
كل مليون ذنب عمله
يتكتب قدامه حسنة
راح وتاجر بالقضية
دمنا كان الهديه
الرصاص بيدوي صوتوا
العرب ملهمش ديه
الف شب وكام صبية
كتبوا بالدم الوصية
فين اوباما و فين أوربا
فين حقوق الانسانية
فين عروبة وفين عروبي
قطّعوا توبك وتوبي
يا قلوب عاشقة البلدي
أثبتي واياك تتوبي
ليبي بينادي لمصري
شب كاجول شب عصري
ازهي عصور التنحي
والعروض ف بلادنا حصري
ديكتاتوري وديكتاتوري
ليبي مصري عربي سوري
كتبوا كتب كتاب بلدهم
بس كان العقد صوري
العقيد معقود لسانه
جاتله هستريا ف سنانه
لما شعبوا الحُر نادي
سقطوا طبلة ودانه
زحف بشري أنتفاضة
حطوا عينهم ع الشهادة
عزفوا أجمل سمفونية
للتحدي وللإرادة
شعبنا طيب مُسالم
ربنا علي كل ظالم
كل من طالب بحقه
رجعوا مخفي المعالم
نادي وزراء السيادة
قدموا فرض العبادة
يسجدوا قدام جنابه
ربنا يقطعها عاده
ألهوه والرب واحد
أربعيني وفوقها واحد
همسوا جوا ودان سيادته
شعبنا ناكر وجاحد
قطّعوا صورك ونادوا
شعبنا قوي باتحادوا
أعلنوا توقيت رحيلك
راح يكون توقيت ميلادوا
الملك أصدر أوامر
هوا ناهي وهوا آمر
أشتروهم بالدولار
يجعله يا سيدنا عامر
الشباب ثاير و ثاير
يابلد شدي الضفاير
أعلي فوق الجرح عدي
طببي الجرح اللي غاير
يا بلد اسد الصحاري
مصر داري وانتي داري
والعروبة ف دمي ساكنة
والهبوط كان اضطراري
يا بلد ثوري وثوري
و أزرعي ف أرضك زهوري
و اغزلي بدم الشهيد
عُقد فضي و عُقد نوري
يا بلد ثوري وثوري
| |
|
