Emy
مديرة المنتدى
EMY : 
عدد المساهمات : 1133
نقاط : 4482
السٌّمعَة : 0
تاريخ التسجيل : 17/02/2011
 |  موضوع: مستعجله .... مستعجله اوووي و عاوزه تنجزي؟....مستنيه ايه ادخلي بسرعه الأحد فبراير 27, 2011 12:55 pm | |
| مستعجله .... مستعجله اوووي و عاوزه تنجزي؟....مستنيه ايه ادخلي بسرعه
بصو بقى يا احلى فتوكات مش هطول عليكم في الكلام عشان ندخل ف المفيدانا بشتغل 12 ساعه في اليوم من 7 صباحا لـ 7 مساءا و طبعن بنام زي المقتوله 8 ساعات من 10 مساءا برده لـ 6 صباحازي الفل كده فاضل في اليوم كله 4 ساعات بطبخ و اكل و اصلي و اغسل و انظف البيت و اكوي هدومي و هدوم جوزي فيهم طيب إزاي؟؟؟ على طووووول مستعجله .... مستعجله جدا جدا جدا بطبخ في نص ساعه و اكل و اصلي في نص ساعه و الباقي طبعن لجوزي و نظافة البيت عشان كده قلت اعمل موضوع للمستعجلات اللي زيي كل واحده تدخل تقول افكارها عن الطبيخ في نص ساعه و انا هبدأ اولا: الكفته.... طبعا بجيب كفتة فودينا الجاهزه الكيلو ب 17 جنيه في كارفور زي الفل بيكفينا اكلتينكل اللي بعمله
احطها في طاسه تيفال و اوطي عليها و اعمل الأرز و السلطه و اطلع المخلل (
طبعا مخلل جاهز من كارفور الكيلو ب 7 جنيه بوليف فاخر )و اجهز السفره
و اروح اقلب الكفته و ارجع احط تلج في الكاسات و اصب العصير ( طبعا عصير
جاهز برده من كارفور ب 3 و نص عصير مانجو و برتقال و جوافه و كوكتيل زي
الفل) نروح بقى نفضي الكفته في طبق و نغرف الأرز في الجواش و نقلبه في
الطبق و كده دي اكله و يوم عدى ثانيا : يوم
الفراخ البانيه عندك أختيارين يا إما أطياب يا إما كوكي و انا بحب أطياب
بحس انها انظف من كوكي و طعمها احلى كمان المهم ب 28 جنيه برده بتكفي
اكلتين ليا انا وجوزيسخني الزيت و
سيبيه يسخن و املي حله بالميه للمكرونه ما هو مش كل يوم رز حطي الفراخ بقى
في الزيت و لما الميه تغلي حطي المكرونه على ما الفراخ و المكرونه تستوي
اعملي سلاطه مش لازم سلطه خضراء ممكن سلطة زبادي ( كوباية زبادي و خياره
مبشوره و معلقة مايونيز و رشة ملح و رشة فلفل اسود و ممكن رشة سكر لو تحبي
) بسرعه بقى نصفي المكرونه و نقدح معلقة سمنه او زيت (للي عامله رجيم ممكن
من غير زيت كمان نبقى نرش زيت زيتون على المكرونه) و حطي في السمنه معلقة
صلصه و قلبيها و دلوقتي اغرفي المكرونه في اطباق ورشي عليها الصلصه و فضي
الفراخ على ورق نشاف عشان الزيت بعد كده حطيها في طبق هي كمان و طبق
السلطه و مش تنسي المخلل و العصير ثالثا:لحمه
بالبصل قشري بصلتين بسرعه و حطيهم في الكبه و قطعي اللحمه حتت صغيره عشان
تستوي بسرعه بسررررعه حمري البصل في معلقة زيت مش تحمريه اوي بس يطرى تحطي
اللحمه دلوقتي بقى و شوية فلفل اسود بس مش تحطي الملح دلوقتي عشان اللحمه
تستوي بسرعه اعملي الأرز بس كنوع من التغيير برده حمري نصه الأول في الزيت
و النص التاني حطيه عليه و زودي الميه و الملح و اعملي السلاطه على ما
الرز يستوي و اللحمه كمان و روحي وضبي السفره بسرعه برده زي ما قلنا قبل
كده متسيش تملح اللحمه بقى و لما تستوي يالا اغرفي بسرعه رابعا: فراخ
مشويه بالخضار قطعي الفرخه 8 ولا 10 جتت كمان طبعن عشان تستوي بسرعه هاتي
كيس خضار مشكل جاهز من كارفور ب 2 جنيه و نص قطعي بصلايه واحده و طمطمايه
برده وحطي الفراخ و البصل و الطماطم و كيس الخضار و عليهم رشة ملح و رشة
فلفل اسود و اعملي النهارده رز بشعريه او رز خلطه حطي فيه الكبد و الأوانص
بتاعت الفرخه و حضري السفره لحد ما الأكل يستوي و اغرفي بسرررررعه [ندعوك للتسجيل في المنتدى أو التعريف بنفسك لمعاينة هذا الرابط] خامسا:في يوم
الأجازه اللي هو يوم الجمعه فقط بالنسبه لي بكون جايبه 2 كيلو لحمه مفرومه
و معصجاهم و كمان مقطعه الكرنب و الجزر و خلطاهم عشان اعمل سلاطة كول سلو
جوزي بيحبها و كمان في اليوم ده يبقى عندي تنظيف البيت طبعا و الغسيل بس
كمان بوضب خلطة محشي جاهزه و احطها في الفريزر و اجهز كوسه او بتنجان و
احشيهم كمان و احطهم في الفريزر كله يبقى جاهزنروح بقى نجيب
كيس من المعصج ده و ورقة جلاش و ندهن الصينيه و نفرد الجلاش و نحشيه
بالمفروم و وضبي بقى سلاطات واحده سلطه خضرا و كول سلو و لو في وقت كمان
على ما الجلاش يحمر اعملي سلطة زبادي و رتبي السفره دي تقريبا كل الأفكار اللي عندي دلوقتي [ندعوك للتسجيل في المنتدى أو التعريف بنفسك لمعاينة هذا الرابط] تعبت من كتر الجري | |
|
