الرز بالكارى مع البانية المشوى والحلو كمااااان انشاء الله يعجبكم ...بالصوررررررررر

الرز بالكارى مع البانية المشوى والحلو كمااااان انشاء الله يعجبكم ...بالصوررررررررر

بسم الله
بصراحة دى اوووووووول مرة انزل موضوع ليا ف قسم الطبخ
لانى بخاااااف اوى لاحسن حد يعيب او ما يعجبوش
كنت بكتفى بس انى اشوف موضوعاتكو واتعلم منها

بس النهاردة اتجرئت وقلت اوريكو عملت اية
بس اعذرونى انى مصورتش كل الخطوات ودة لانى مكنش ف دماغى خاااااالص انى انزل الاكلة دى

يالا مع بعض بسم الله

اول حاجة

حنجيب :
2 كوب رز بسمتى
ونغسلهم كويس ونخليهم على جمب
نجيب مكعبين مرقة ماجى وندوبهم ف الحلة اللى حنعمل فيها الرز مع شوية سمنة او زيت
وقبل ما تذوب الماجى نحط عليها

فلفل اسمر
كركم
شطة
كارى ( ودا اسااااااسى )

بعد كدة اقلى بالمعلقة تقليبتين بس
واول ما الريحة تطلع
ممممممممم واااو

تضيفى الرز المغسول وعلية زبيب وعلية جزراية مبشورة
وتقلبى كوييييس جداااا
وبعدين الشوربة وعليها الملح

وتسيبى ع النار لحد ما يتشرب وبعدين وطى علية ع الاخر

ودى صورة الرز
بعد ما استوى

[ندعوك للتسجيل في المنتدى أو التعريف بنفسك لمعاينة هذا الرابط]وبعد كدة الفراخ

من بليييييييييييييييييييييييييييييل
تقطعى البانية شرائح
وتحطى علية
ليمون
شطة
ملح
شوية زيت مش كتير
لبن
كركم
شوية سكر
فلفل اسمر
ثوم

وتبات البانية ف التتبيلة دى ليلة كاملة

وبعدين تطلعى منها تانى يوم
وعلى طاسة تيفال ممسوحة بزيت خفييييييييييييف
تحطى شريحة شريحة
وتقلبى على طول

لحد ما تحمر وتبقا لونها حلو كدة

[ندعوك للتسجيل في المنتدى أو التعريف بنفسك لمعاينة هذا الرابط]

ودا بعد ما خلصت كل كمية الفراخ

[ندعوك للتسجيل في المنتدى أو التعريف بنفسك لمعاينة هذا الرابط]ودى الاكلة كلها على بعضها بعد ما رصتها

[ندعوك للتسجيل في المنتدى أو التعريف بنفسك لمعاينة هذا الرابط]

انا حطيت ف الجزء الفاضى اللى ف نص الطبق قطعة فويل على شكل فنجان صغير
وبحط فى فحمة سخنة على الزيت وبقفل بغطا فويل كووووووووووووويس جداااا عشان ريحة الشوى تبان فى ومتطلعش برة

وعملت جمب الاكلة دى سلطة طحينة
وسلطة خضرا

ودا طبق الحلو
[ندعوك للتسجيل في المنتدى أو التعريف بنفسك لمعاينة هذا الرابط]

كيكة شيكولاتة

5بيضات على كوب ونص دقيق
على كوب ونص سكر
على فانيليا ومعلقة صغيرة بيكنج بودر
ونص كوب جوز الهند
وكوب زيت
و3 معالق لبن بودر
ومعلقة صغيرة محسن كيك
شيكولاتة مجروشة ( حبيبات للتزين )

اضربى البيض مع الزيت مع الفانيليا والمحسن لحد ما تحسى البيض انتفخ شوية
ضيفى السكر بالتدريج
وبعدين الدقيق بعد ما تنخلية بالتدريج مع البيكنج بودر
وضيفى لبن البودر
وزيدى مية كل ما تحسى ان المضرب تقل منك
وضيفى جوز الهند

وصبى الخليط ف بايركس مدهون زيت ومرشوش دقيق

ودخليها فرن ساخن ف الرف اللى ف النص
وبعد مرور 10 دقايق قللى الحرارة الى 180

وبعد خروجها سبيها تبرد

وتكونى مسيحة شيكولاتة خام عليها كريمة على حمام ماء ولما تبرد ( الكيكة والشيكولاتة )
ضيفى الشيكولاتة ع الكيكة
وزوقيها باللوز والشيكولاتة الحبيبات
على طريقتك بقا

[ندعوك للتسجيل في المنتدى أو التعريف بنفسك لمعاينة هذا الرابط]

الله يخليكو لو عجبكو موضوعو سيبولى رد
او دعوة حلوة لولادى

وقيمى لو حبيتى وشوفتى الموضوع يستاهل

» الدجاج المشوى
» طريقة عمل كبة الرز
» وصف الجنة لأبن القيم رحمه الله بصوت الشيخ ادريس ابكر حفظه الله بأعلي جوده وعلي اكثر من سيرفر
» استغفر الله العظيم من كل ذنب اذنــبــــتـــه ... استغفر الله العظيم من كل فرض تركـــــتــه
» صور بعض معجزات الله