حياة الشباب

السنة الاولى .. ببب ممم ببب ممم (يعني متعلق بامه وابوه)

3 سنين.. ععن عن عن ععن عن عن (متعود على التفحيط من صغره)

5 سنين.. ماسكله صحن (يعني قيادة) ويفحط ويشفط ويلات في هالصالات وهالغرف ..
عااان عان عان عاااان.. ععن عاااان..
(وطبعا الله يخلف على خواته روسهم صايره كبر البطيخة من كثرالازعاج)

10 سنين ..يمه خواتي لا يطلعون .. ماعندنا بنات يطلعون... والله تحسبوني للحين صغير... ترى انا رجال...
12 سنة ..وسط شلة من الشباب يطلع ولد الزقاير من جيبه ويتحدى ربعه من يدخن وطبعا اللي يرفض منهم يعايره بانه ماهو برجال..


15 سنة... زهقت.. طفشت.. من الدراسة.. ماني بجاهل يايمه كل يوم يهزئني المعلم وانا ساكت له..

18 سنة.. يمه أبي فلوس لازم اسافر والا ربعي احسن مني؟؟؟
والا انا ناقص؟؟
لا قولوا بعد اني ناقص، هذا اللي باقي..

23 سنة.. يقنعونه اهله بالزواج وهو يقول لا انا قررت اني اتزوج العزوبية..

25 سنة.. ..الله يعلم بحاله..

28 سنة.. يمه ابي اتزوج دوري لي بنت الحلال..

29 سنة.. جاري البحث عن العروس..

30 سنة.. مازال جاري البحث عن العروس..


35 سنة.. طفش وهو يخطب والبنات يرفضونه.. (يحقلهم )..
ترى اذا ارفضوني ماراح اتزوج نهائيا..

طبعا اخطبوا وقالوا لهم اهل العروس بعد اسبوع نرد لكم خبر..