فراخ الشيف شربينى المشوية

انا جربت طريقة الشربينى في شوى الفراخ وطلعت تحفة زى اللى بشتريها بالضبط
فرخة مفتوحة من الظهر يعنى يكون صدرها فوق
بصلة كبيره طماطماية كبيره وياريت لو حمراء اوى
2معلقة كبيره زعتر 2 معلقة كبيره زيت زيتون
نص كوب خل ربع كوب عصير ليمون
معلقة كبيره كاتشاب ربع معلقة سكر
معلقة ملح ربع معلقة فلفل اسود ربع كمون
واى توابل بقي عندك اى حاجة عندك حطيها عليها
بس انا زودت رشة نعناع ناشف وريحان ناشف
بتاخدى المكونات دى كلها وتضربيها في الخلاط
وتصفيها وتتبلي الفرخة فيها علي الاقل 3 ساعات
وتشويها
بس انا سبتها في الخلطة دى وحطتها داخل الفرن لحد مبقت نص سواء
وبعدها حطتها علي الشواية ولما استوت حطيتها في طبق التقديم مع بقدونس
وبالهنا والشفاء